Купить билеты онлайн

Чурапчы күнүгэр анаан "Айыллаан" сынньалан киин аатыттан бэлэх.
Василий Николаев мат., Розалия Игнатьева тыл.
Оруолларга:
Дайаана Попова
Альберт Николаев
Барыс Баишев
Яна Толстоухова
Петр Дьяконов

🤝Бу бырайыак Саргылана Дмитриевна Старостина салайыытынан 2021 с. «Президентский Фонд Культурных инициатив» гранын кыайан ылбыта. «Кино-синтез» сыала ыччат сайдыытыгар, историяны үйэтитиигэ ананар.


Тэрийээччинэн Чурапчы нэһилиэгин дьаһалтата уонна «Айыллаан» культура киинэ буоллулар.


🎥Атырдьах ыйын 25-26 күннэригэр «Айыллаан» киинэ тыйаатырыгар кыттааччылар уһулбут киинэлэрэ көһүннүлэр. 
Бүгүн хамаандалар фестиваль экспертарын кытары көрсөн, киинэ уһулуутун ымпыгын-чымпыгын туһунан аһаҕастык кэпсэттилэр. Экспертар киинэ үлэтин түһүлгэтигэр саҥа сорунан көрөн эрэр ыччакка бэйэлэрин уопуттарыттан кэпсээн, сүбэлээн биэрдилэр. Ол кэннэ экспертар кыттааччылар уһулбут киинэлэрин көрөн сыаналаан, санааларын эттилэр уонна инникитин киинэ эйгэтигэр ыытыллар үлэҕэ ситиһиилэри баҕардылар. 


☀️🌿П.Е. Барахсанов аатынан культура сынньалаҥ пааркатыгар «Кино-синтез» чэрчитинэн сайыҥҥы кэми атааран, аһаҕас халлаан анныгар минньигэс астаах, оҕолорго босхо аттракционнаах күүлэйдээһин буолла. 

Киэһээҥҥи бырагырааммаҕа экспертар түмүк таһаараннар хамаандалар маннык номинацияҕа тигистилэр:


🤝📽«Социальный ролик» номинацияҕа:
🥇миэстэ - «Айар күн», Хоптоҕо нэһилиэгэ;
🥈миэстэ - «Дайан», Чурапчы нэһилиэгэ;
🥉миэстэ - «Sky life», Хатылы нэһилиэгэ.


📝📽 «Лучший сценарий» - «ButeyFilm», Мэҥэ-Хаҥалас улууһун Бүтэйдээх нэһилиэгин хамаандата.


✨📽«Надежда кинофестиваля «Кино-синтез 2022» - «Классный класс», Кытаанах нэһилиэгэ.


🎼📽 «Лучшее музыкальное сопровождение» - «Тэрис», Чакыр нэһилиэгэ.


🎞📽 «Лучший документальный фильм» - «Тэрис», Чакыр нэһилиэгэ.


🎞📽«Лучший художественный фильм» - «Sкрит», Чакыр нэһилиэгэ.


🌟🏆🌟 «Гран-при кинофестиваля «Кино-синтез» - «Айар күн», Хоптоҕо нэһилиэгэ


🎇✨👏🏻Тэрээһин музыкальнай эҕэрдэнэн, кыайылаах хамаанда киинэтин көрдөрүүтүнэн уонна бырааһынньыктааҕы салютунан, дискотеканан түмүктэннэ.


«Чурапчы нэһилиэгэ» МТ дьаһалтата.

Розалия Игнатьева тыллара, Василий Николаев матыыба.

ВКонтакте ситимҥэ эмиэ истиэххитин сөп.

☀️Бэс ыйын 30 күнүгэр, 2-с сылын ыытыллар ТОС-тар икки ардыларынааҕы комплекснай күрэххэ киирэр сайыҥҥы спартакиада Чурапчы нэһилиэгин олохтоохторун Маҕаайы алааһыгар түмтэ. 


👫👭 7 ТОС бэйэлэрин штандартарын күөрэччи тутан, ТОС бэрэссэдээтээллэрин салайыытынан параадтаан киирдилэр. Кинилэр бары араас өҥнөөх тус туһунан формалаахтара, тэрээһин таһымнааҕын, дьон бэлэмнээҕин туоһулуур.


👏🏻Спартакиаданы үөрүүлээхтик аһыыга Чурапчы нэһилиэгин дьаһалтатын баһылыга В.Д. Сивцев уонна баһылыгы социальнай боппуруостарга солбуйааччы Н.И. Аммосов кыттыыны ыллылар, эҕэрдэлээн туран ситиһиилээх күрэхтэһиини баҕардылар.
🎊Кыттыылаахтары музыкальнай эҕэрдэ ырыа-тойук уруйдаата.


Ол кэннэ күрэхтэһиилэр тус туһунан түһүлгэҕэ тэҥҥэ саҕаланнылар.
Дуобат, саахымат, оҕунан ытыы уонна волейбол күрэхтэрэ эгил-тэгил ыытылыннылар, эбиэккэ дылы сыралаах киирсии түмүгүнэн дуобатка, саахыматка маннык миэстэлэри үллэһиннилэр: 
🥇миэстэ – «Спортивнай» ТОС;
🥈миэстэ – «Куоҕалы» ТОС;
🥉миэстэ – «Мурун-Тыымпыйа» ТОС.


🏹Оҕунан ытыы күрэхтэһиигэ:
🥇миэстэ – «Мурун-Тыымпыйа» ТОС;
🥈миэстэ – «Центральнай» ТОС;
🥉миэстэ – «Куоҕалы» ТОС.


🏐Саамай элбэх көрөөччүнү бэйэтигэр тардар «зрелищнай» мээчиккэ:
🥇миэстэ – «Спортивнай» ТОС;
🥈 миэстэ – «Молодежнай» ТОС;
🥉миэстэ – «Чараҥ» ТОС.


🏃🏻🏃🏻‍♀️Бүтэһиккэ бары киирбит спортсменнар ТОС-тарынан, саастарынан тыырсаннар хаһыылаах-ыһыылаах эстафетаҕа паалканы утуу-субуу бэрсэн, сүүрэр хонууга тахсаннар сүүрүүлэрин түмүгэр:
🥇миэстэ – «Спортивнай» ТОС;
🥈миэстэ – «Чараҥ» ТОС;
🥉миэстэ – «Мурун-Тыымпыйа» ТОС.


☀️Быйылгы спартакиада биир уратынан күөл үрдүгэр күөстэнэн, сылаас миин, чэй өрүнэн, туспа саҥа солун көрүҥүнэн буолла. 
Спортсменнар ТОС-тарын олохтоохторун бэлэмнээбит тотоойу минньигэс астарын аһааннар, күүс-уох эбиннилэр уонна бэйэлэрин олорор ТОС-тара бастыырын туһугар, бары биир киһилии турунан көхтөөх кыттыыны, күрэҕи көрдөрдүлэр.


Ол курдук уопсай түмүккэ ким бэлэмнээх, ол кыайда.
🥇миэстэ – «Спортивнай» ТОС;
🥈миэстэ – «Мурун-Тыымпыйа» ТОС;
🥉миэстэ – «Маарыкчаан» ТОС.


🤝ТОС спартакиадатын кыттыылаахтарын тэрийэн, түмэн хамаанда оҥорон киллэрбит ТОС бэрэссэдээтэллэригэр, спортивнай сектордарга уонна хас биирдии ТОС туһугар күрэхтэспит Чурапчыбыт нэһилиэгин олохтоохторугар, бука барыларын ситиһиилэринэн эҕэрэдэлээн туран, мантан сайын айылҕа бары үтүөтүн, кылгас сайыны туһалаахтык атааралларыгар баҕара хаалабыт!