«Дьиэ кэргэн бэстибээлэ» ыытылынна

👨‍👩‍👧‍👦Бүгүн алтынньы 26 күнүгэр «Утум» – Айыы кыһатын дьиэтигэр Чурапчы нэһилиэгин ТОС-рын икки ардыларыгар ыытыллар комплекснай сыллааҕы күрэххэ киирэр «*Дьиэ кэргэн бэстибээлэ*» ыытылынна. 
☀️Күрэххэ уопсайа 5 ТОС-тан үстүү дьиэ кэргэн кэлэннэр биирдии жанр көрүҥэр кытыннылар. 👨‍👩‍👧‍👦👵🏻🧓🏻Хас биир нүөмэргэ икки-үс оннооҕор түөрт көлүөнэ уруу аймах дьон кыттыбыттара интириэһи үөскэттэ.
Бэстибээл 3 түһүмэхтэн турда: *вокал, фольклор уонна үҥкүү көрүҥнэрэ.*


🎙️ *Вокал күрэҕэр*:
🥇 миэстэ - Куоҕалыттан Винокуровтар дьиэ кэргэн;🥈 миэстэ - Мурун-Тыымпыйаттан Местниковтар дьиэ кэргэн;
🥉 миэстэ - Спортивнай ТОС-тан Аржаковтар дьиэ кэргэн буоллулар.

🎼*Фольклор түһүмэҕэр*:
🥇 миэстэ – Мурун-Тыымпыйаттан түөрт көлүөнэнэн кыттыбыт Дьячковскайдар;
🥈 миэстэ – Спортивнай ТОСтан түөрт көлүөнэнэн кыттыбыт Калачевтар;
🥉 миэстэ – Куоҕалыттан икки көлүөнэнэн кыттыбыт Портнягиннар буоллулар.

💃🏻🕺🏻Бүтэһиккэ *үҥкүү күрэҕэ* дьон болҕомтотун тарта. 
Ол курдук:
🥇 миэстэ – Мурун-Тыымпыйаттан үс көлүөнэнэн үҥкүүлээбит Гороховтар дьиэ кэргэн казахскай үҥкүүнэн дьон сэҥээриитин дохсун ытыс тыаһын ылыар ылла;🥈 миэстэ – Спортивнай ТОСтан үс көлүөнэнэн, тохсуо буолан үҥкүүлэннэр Кузьминнар дьиэ кэргэн маҥан хаарга күн уотун чаҕылыччы таттардылар;
🥉 миэстэ – Куоҕалыттан Красильниковтар дьиэ кэргэн кыттаннар бэрт сэргэх, көрдөөх-нардаах үҥкүүнэн үс көлүөнэнэн үҥкүүлээтилэр.

Дьүүллүүр сүбэ тутатына түһүмэхтэринэн түмүктэри таһаарбыта солуҥ көстүүнэн буолла. 

👏🏻👨‍👩‍👧‍👦*Уопсай түмүккэ*:
🥇 миэстэ – «Мурун-Тыымпыйа» ТОС;
🥈 миэстэ – «Куоҕалы» ТОС;
🥉 миэстэ – «Спортивнай» ТОС.

☀️👨‍👩‍👧‍👦Фестиваль бэйэтин сыалын соругун ситтэ, үлэ чааһын бүтүүтэ дьоһун бэртээхэй, түргэн-тарҕан сып курдук сынньалаҥ киэһэтэ буолан ааспытыгар бары тэрийээччилэргэ, кыттыыны ылбыт ТОС олохтоохторугар истиҥник махтанабыт!


«Чурапчы нэһилиэгэ» МТ дьаһалтата.


"Үлэ киһитэ үйэлэргэ кэпсэнэр"

"Үлэ киһитэ үйэлэргэ кэпсэнэр" Чурапчы нэһилиэгин бочуоттаах олохтоохторугар аналлаах тэрээһин алтынньы 20 күнүгэр "Утум" дьиэтигэр ыытылынна. Тэрээһин Чурапчы нэһилиэгин баһылыгын эҕэрдэ тылынан арылынна. Владимир Дмитриевич Чурапчы нэһилиэгин дьаһалтатын аатыттан бүгүҥҥү ыҥырыылаах дьоммутугар өйдөбүнньүк бэлэхтэри туттарда. 
Бу күн ыалдьыттыыллар:
РСФСР норуотун үөрэҕириитин туйгуна, Чурапчы нэһилиэгин бочуоттаах олохтооҕо Валентина Николаевна Иустинова. Тыыл уонна Саха Республикатын авиациятын бэтэрээнэ, Саха Республикатын бочуотттаах бэтэрээнэ, Чурапчы нэһилиэгин бочуоттаах олохтооҕо Николай Ильич Дыдаев. 
Российскай Федерация үөрэҕириитин үтүөлээх үлэһитэ, Российскай Федерация бочуоттаах учуутала, Чурапчы нэһилиэгин бочуоттаах олохтооҕо Мария Иустиновна Хоютанова.
"Якутскэнерго" акционернай компания бэтэрээнэ, "Россия профсоюһун 100 сыла" мэтээл хаһаайына, Чурапчы нэһилиэгин бочуоттаах олохтооҕо Владимир Семенович Максимов.
Үлэһит дьону истиҥ ырыаларынан эҕэрдэлээтилэр эдэр кэскиллээх ырыаһыттарбыт Андрей Гоголев, Диана Портнягина уонна Мария Иустиновна бииргэ үөрэммит дьүөгэтэ Татьяна Горохова. Тэрээһин ыалдьыттарын бииргэ үлэлээбит тэрилтэлэрэ, чугас дьонноро махталларын биллэрэн эҕэрдэлээтилэр. 
Үлэһит дьон үтүө сэһэннэрэ, үйэлэргэ кэпсэнэ сылдьыа. Бүгүҥҥү тэрээһин ыалдьыттарын, туруу үлэһит дьоммутун истиҥ сэһэннэрин иһин тэрийээччилэр ааттарыттан махталбытын биллэрэбит.

"Үлэ киһитэ үйэлэргэ кэпсэнэр"

🔴 *Күндү Чурапчы нэһилиэгин олохтоохторо, ыалдьыттара.*


🥇 *"Үлэ киһитэ үйэлэргэ кэпсэнэр"*🥇 Чурапчы нэһилиэгин бочуоттаах олохтоохторугар аналлаах Дьоро киэһэбит уочараттаах тэрээһинигэр ыҥырабыт.
🔹 *Бу күн*  ыалдьыттыыллар:
 📌 РСФСР норуотун үөрэҕириитин туйгуна, Чурапчы нэһилиэгин бочуоттаах олохтооҕо, *Валентина Николаевна Иустинова*,
📌 Тыыл уонна Саха Республикатын авиациятын бэтэрээнэ, Саха Республикатын бочуотттаах бэтэрээнэ, Чурапчы нэһилиэгин бочуоттаах олохтооҕо *Николай Ильич Дыдаев*, 
📌 Российскай Федерация үөрэҕириитин үтүөлээх үлэһитэ, Российскай Федерация бочуоттаах учуутала, Чурапчы нэһилиэгин бочуоттаах олохтооҕо, *Мария Иустиновна Хоютанова*,
📌 "Якутскэнерго" акционернай компания бэтэрээнэ, "Россия профсоюһун 100 сыла" мэтээл хаһаайына, Чурапчы нэһилиэгин бочуоттаах олохтооҕо *Владимир Семенович Максимов*
Үлэһит дьон үтүө кэпсээннэрин, истиҥ ырыаны - тойугу кэлэн сэргээн, сэҥээрин.
Буолар сирэ: *Утум дьиэтэ*.
Алтынньы 2️⃣0️⃣ күнэ, 
күнүс 1️⃣4️⃣ чаас

Кыстыкка киирии алгыһа "Арчы" дьиэтигэр ыытылынна

Алтынньы 20 күнүгэр Чурапчы нэһилиэгин дьаһалтата, "Айыллаан" култуура киинэ, А.К.Софронов аатынан КСК коллективтара түмсэн саҥа үлэ сезона саҕаламмытынан уонна кыстыкка киирбиппитинэн  "Арчы" дьиэтигэр алгыстаннылар. Алгыһы ыытта Мария Петровна Божедонова.
Нэһилиэк баһылыга Сивцев В.Д. үлэ сезона саҕаламмытынан эҕэрдэтин эттэ, инники кэлэр үлэлэр барылларын кылгастык билиһиннэрдэ. Ону тэҥэ "Айыллаан" култуура киинигэр бииргэ үлэлээбит биир идэлээхтэрин саҥа үлэҕэ атаардылар.

«Сүбэ – торум - сорук». Чурапчы улууһун култуура уонна ускуустуба үлэһиттэригэр сүбэ мунньах ыытылынна.


Алтынньы 19 күнүгэр Чурапчы улууһун  култуура уонна ускуустуба үлэһиттэригэр «Сүбэ – торум - сорук» сүбэ мунньах ыытылынна.

«Сүбэ – торум - сорук» мунньах, түмсүү сүрүннүүр чааһа түөрт хайысханан ыытылынна. Төрдүс хайысхаҕа: Норуот айымньытын дьиэлэрин үлэһиттэрэ муһуннулар. Түмсүү ис хоһооно,Чурапчы улууһун норуот айымньытын дьиэлэрин инники сайдыыта, санаа атастаһыы түһүлгэтэ буолла.

Чурапчыга аан дойдутааҕы Аҕам саастаах дьон декадата ыытылла турар

Чурапчы нэhилиэгэр «Утум» дьиэтигэр Аҕам саастаах дьоҥҥо аналлаах декада чэрчитинэн араас тэрээһиннэр, маастар кылаастар ыытылыннылар.
1. «Дьүрүһүй, хомуһум» хомуска оонньуурга үөрэтии
2. «Кыбытык тигии» кыбытан – аттаран тигии ньымаларыгар үөрэтии
3. «Сиэл тойуга» ситии хатарга үөрэтии
4. Цифровой сыһыарыылары сөпкө туттарга үөрэтии
5. Эр дьоҥҥо аналлаах дьиэҕэ - уокка күннэтэ туттуллар мас оҥоһуктары ремоннааһыҥҥа тэттик сүбэлэр.

Учуутал – кэрэҕэ, эйгэҕэ, билиигэ сирдиир биир сүдү киһибит!

Бары учууталлары идэлээх бырааһынньыккытынан итиитик-истиҥник эҕэрдэлиибит! 👩🏻‍🏫📚🎉
Учуутал – кэрэҕэ, эйгэҕэ, билиигэ сирдиир биир сүдү киһибит. Ол курдук сыралаах үлэлэрин бэлиэтиир, үрдүккэ ааттатар быһыыттан кинилэргэ муҥура суох махталбытын тириэрдэбит.
Учуутал күнүнэн эҕэрдэлээн "Айыллаан" сынньалан киинэ Чурапчы нэһилиэгин оскуолаларын учууталларыгар босхо киинэҕэ сылдьалларыгар сертификат бэлэх уунна.🎁🎫🎬🎥