Чурапчы улууһун Одьулуун нэһилиэгэр, “Радость” эбии үөрэхтээһин киинин көҕүлээһининэн “Молодые профессионалы - 2025” “Изделия из конского волоса” компетенцияҕа күрэхтэһии ыытылынна.

Дьүүллүүр сүбэ бэрэссэдээтэлинэн “Сиэл тойуга” куруһуок салайааччыта, Саха Өрөспүүбүлүкэтин уус – уран оҥоһуктарын маастара Бурнашова Варвара Гаврильевна үлэлээтэ.

Надежда Прокопьевна эдэр эрдэҕиттэн иис кэрэ абылаҥар уһуйуллан, Саха Өрөспүүбүлүкэтин норуотун маастарыгар тиийэ сайдан, бэйэтин тула биир санаалаахтарын түмэн, төрүт иис кистэлэҥэр угуйан, өр сылларга үлэлээбит үлэтэ, саха төрүт култууратыгар киллэрбит кылаата үрдүктүк сыаналанна.
Итии - истиҥ эҕэрдэ уран тарбахтаах маастарбытыгар.

Бүгүн Чурапчы улууһугар Олоҥхо декадатын үөрүүлээх аһыллыытыгар, "Утум уус дьиэтин" иһинэн үлэлиир "Сиэл тойуга" куруһуок иитиллээччитэ Коркина Елизавета Николаевна тэрээһин кыттыылаахтарыгар сиэл хатыытыгар маастар кылаас ыытта. 

Иван Иванович Кандинскай аатынан "Айыллаан" сынньалаҥ киинин коллективын тэрийиитинэн, сэтинньи ый 22 күнүгэр, II сылын өрө күүрүүлээхтик үҥкүү киэһээтэ дьон - сэргэ кутун тутта. Чурапчы нэһилиэгин тэрилтэлэрин икки ардыгар "ФЕЕРИЯ ТАНЦА" күрэхпитигэр барыта 11 хамаанда кытынна. И.Н.Винокуров аатынан "Айылгы" оройуоннааҕы норуот айымньытын дьиэтин саалата көрөөччүнэн туолан, ыалдьааччылар үрдүк таһымҥа бэлэмнэн кэлбиттэрэ тэрийээччилэри үөртэ.

Чурапчыбытыгар ыаллыы сытар Таатта улууһун Ытык - Күөл нэһилиэгин "Сарыал" култуура уонна спорт сайдыытын киинин иһинэн тэтимнээхтмк үлэлиир "Туналыына" уонна "Ситим" үҥкүү бөлөхтөрүн 5 сыллаах үбүлүөйдээх сылларын бэлиэтээн, аан маҥнайгы гастроллара  Иван Кандинскай аатынан "Айыллаан" сынньалаҥ киинигэр ньиргийдэ.