https://vk.com/wall-211884885_516

Муус устар 24 күнүгэр Чурапчы нэһилиэгэр биллэриллибит “Чөл олох” сылын чэрчитинэн “Утум” норуот айымньытын дьиэтигэр "Аһыыр аһым - чэгиэн буолар төрдүм" аһаҕас кэпсэтии тэрээһинэ буолан ааста. Манна П.Н. Сокольников аатынан Чурапчытааҕы киин балыыһа профилактика кабинетын бырааһа Федианна Федоровна Атласова, дьиэ кэргэттэрин туһалаах аһынан хааччыйар, дьикти дьарыктаах хаһаайкаларбыт Екатерина Владимировна Константинова, Розалия Степановна Пономарева, Вероника Егоровна Маркова кэлэн ыалдьыттаатылар. 

Федианна Федоровна быраас идэлээх киһи буолан киһи доруобуйата аһыыр аһыттан быһаччы тутулуктааҕын туһунан кэпсээтэ, бэйэ иитэн таһаарбыт, үүннэрбит аһылыгын доруобуйаҕа буортута суоҕун бэлиэтээтэ. 

Екатерина Владимировна коза, кролик, индюк, куурусса иитэн дьиэ кэргэнин, оҕолорун сиэннэрин бэйэтэ оҥорон таһаарар продукциятынан аһатан элбэх иҥэмтэлээхбитэмииннэринэн хааччыйарын кэпсээтэ, көрөөччүлэри коза үүтүнэн, творогынан күндүлээтэ.

Розалия Степановна биһиги тымныы дойдубутугар оҕуруот аһын олордон өлгөм үүнүүнү ылары ситиһиэххэ сөптөөх сүбэлэри биэрдэ, оҕуруот аһын хайдах кэнсиэрбэлээн хаһаанарын кэпсээтэ, бэйэтэ кэнсиэрбэлээбит минньигэс салаатын, аджикатын амсатта уонна үлэлээн кэлэн баран сып курдук минньигэс доруобуйаҕа туһалаах салааты астыыры көрдөрдө.

Эдэр ийэ Вероника Егоровна биир туһунан дьикти дьарыктаах киһи, кини төрөөбүт дойдутун алаастарыгар үүнэр эмтээх оттору хомуйан иҥэмтэлээх чэй арааһын оҥорор, аска тума оҥостор. Бу дьикти дьарыгар кини баҕалаах дьону батыһыннара сылдьан от хомуйарга үөрэтэр үтүө үгэстээх эбит. Вероника ыалдьыттарга анаан дьэдьэн сэбирдэхтээх бирээнньик астаан, араас оттон оҥоһуллубут чэйин аҕалан амсатта.

Күнү көрөөччүлэр биһиги нэһилиэкпитигэр маннык сатабыллаах далбар хотуттар баалларын сэргээтилэр, сөхтүлэр. 

Бу тэрээһиҥҥэ ыҥырыыбытын быһа гыммакка кэлэн кыттыыны ылбыт нэһилиэкпит кэрэ аҥардарыгар барҕа махталбытын тиэрдэбит.

https://vk.com/video-211884885_456239181?access_key=93cfe43e90f1d21e90

Муус устар 26 күнүгэр Саха Республикатын күнүн көрсө И.И. Кандинскай аатынан «Айыллаан» култуура киинин иһинэн үлэлиир куруһуоктар «Утум» норуот уус-уран айымньытын дьиэтигэр «Аһаҕас аан күнүн» биллэрэн куруһуоктар үлэлэрин туһунан кэпсээтилэр, нэһилиэнньэҕэ анаан араас хайысханан уус-уран оҥоһуктарга маастар-кылаас ыыттылар. Ол курдук хосторунан арахсан куруһуок салайааччылара, уран тарбахтаах маастардарбыт таҥас быһыытыгар, сиэл-кыл оҥоһуктарга, кыбытыы тигиигэ, күрүчүөгүнэн баайыыга бэйэлэрин сатабылларын кэлбит ыалдьыттарга көрдөрдүлэр, үөрэттилэр.

 Саха Республикатын  норуот уус-уран оҥоһуктарын маастара, норуот художественнай культуратын магистыра, «Силик», «Дьэрэкээн» куруһуоктар салайааччылара Надежда Прокопьевна Ахматова таҥаһы быһыыга араас албастары, кэккэ сүбэлэри биэрэн иистэр дьон билиилэрин хаҥаттылар.

Саха Республикатын  норуот уус-уран оҥоһуктарын маастара, «Сиэл тойуга», «Умсулҕан» куруһуоктар салайааччылара Варвара Гаврильевна Бурнашева ыыппыт маастар-кылааһыгар  олохторугар маҥнайгытын күрүчүөгү туппут дьон сибэккини сатаан баайан сүргүлэрэ көтөҕүллэн куруһуокка сылдьыах буолан тарҕастылар.

Чурапчы нэһилиэгин норуотун маастара, «Кустугу куустарбыан», «Дьикти таас» куруһуоктар салайааччылара Слепцова Надежда Владимировна кыбытык тигии курдук күүстээх тулууру эрэйэр иис көрүҥэр 5 харахтаах харысхал тиктэрэн бэлэхтээтэ.

«Сиэдэрэй симэх» куруһуох салайааччыта, тимир ууһа Никифоров Олег Семенович штамповканан ытарҕа оҥоруутугар үөрэтэрин эр дьон эрэ буолбакка кэрэ аҥардар эмиэ сэҥээрэн көрдүлэр-иһиттилэр.

«Сиэл тойуга» куруһуокка дьарыктанар далбар хотуттарбыт Чурапчы улууһун норуотун маастара Максимова  Екатерина Гаврильевна, Чурапчы нэһилиэгин норуотун маастара Пудова Татьяна Петровна, Чурапчы нэһилиэгин норуотун маастара Коркина Елизавета Николаевна, Дьячковская Анна Андреевна, Семенова Галина Моисеевна, Константинова Екатерина Владимировна сиэл, кыл оҥоһуктарга бэйэлэрин сатабылларын ыалдьыттарга үөрэттилэр.

Бүгүҥҥү күнү өр сылларга общепит салаатыгар үлэлээбит, Россия потребительскай кооперациятын туйгуна, Саха Республикатын үлэтин бочуоттаах бэтэрээнэ, «Амтан» куруһуок салайааччыта Елена Гаврильевна Шеломова «Арчы дьиэтигэр» ыыппыт маастар-кылааһыгар куурусса кынатын духовкаҕа буһаран уонна салаат астаан көрдөрдө уонна кэлбит ыалдьыттары күндүлээтэ.

Маны таһынан бүгүҥҥү дьаһалга кэлбит ыалдьыттар баҕа өттүнэн анал байыаннай дьайыы кыттыылаахтарыгар «Санаа күүһэ» көмө акцияҕа кытыннылар. 

Муус устар 19 күнүгэр И.И.Кандинскай аатынан "Айыллаан" култуура киинигэр Чурапчы нэһилиэгин тэрилтэлэрин икки ардыларыгар иккис төгүлүн "Две звезды" ырыа күрэҕэ ыытылынна. Үөрүүлээх чаас нэһилиэк баһылыга В.Д.Сивцев эҕэрдэтиттэн саҕаланна. Нэһилиэкпит 375 cылыгар тахсыбыт "Үүнэ сайда тур, тапталлаах Чурапчым" кинигэ альбому нэһилиэк үлэтигэр-хамнаһыгар быһаччы кыттыһар дьонугар өйдөбүнньүк курдук туттартаата. 

Уопсайа 10 тэрилтэ күрэххэ кытыннылар ол курдук:

Гаврил Гаврилович ЛЫТКИН, Петр Егорович ГУЛЯЕВ. (Айылгы оройуоннааҕы норуот айымньытын дьиэтэ, Управления культуры, Прокопий Нестерович Сокольников аатынан киин балыыһа)

Елена Николаевна СЕМЕНОВА, Михаил Владимирович ДЬЯЧКОВСКИЙ. (Кыталык уһуйаан, И.М.Павлов аатынан Чурапчы орто оскуолата, МУПК)

Любовь Дмитриевна ПЕРМЯКОВА, Саргылаана Владимировна АММОСОВА. (С.А.Новгородов аатынан Чурапчы орто оскуолата)

Диана ПОРТНЯГИНА, Светлана Иннокентьевна ПОПОВА. (Туллукчаан уһуйаан, С. К. Макаров аатынан Чурапчы гимназията) 

Александр Олегович ИВАНОВ, Ульяна Степановна КАПИТОНОВА (Д.П. Коркин аатынан Чурапчытааҕы Республиканскай олимпийскай эрэллэри бэлэмниир интернат орто оскуолата)

Матрена Витальевна ПЕРМЯКОВА, Терентий Николаевич ЕГОРОВ. (Улыбка уһуйаан, Олох дьаһах коммунальнай хаһаайыстыбата)

Егор Егорович ЗАХАРОВ, Аян Петрович НИКИТИН. (38 Уоттан быыһыыр этэрээт уонна Социальнай харалта)

Александра Александровна КУЗЬМИНА, Иннокентий Иннокентьевич ГОТОВЦЕВ. (Чурапчытааҕы Государственнай Физическай культура уонна спорт института, Чуораанчык уһуйаан)

Людмила Михайловна МИРОНОВА, Иван Яковлевич ЕГОРОВ (Березка уһуйаан, Чурапчинский аграрно – технический колледж)

Марианна Николаевна ЯКОВЛЕВА, Евдокия Спартаковна ЛУКИНА («Мичил» уһуйаан, Ис дьыала министерствотын отдела, Сахатранснефтегаз)

Түмүккэ:
Олох дьаһах коммунальнай хаһаайыстыбата уонна "Улыбка" уһуйаантан Матрена Пермякова, Терентий Егоров - бастакы миэстэни ыллылар.

Иккис миэстэни Диана Портнягина, Светлана Попова Туллукчаан уһуйаан уонна С.К.Макаров аатынан Чурапчы гимназията.

Үһүс бочуоттаах миэстэни Ульяна Капитонова, Александр Иванов Д.П.Коркин аатынан Чурапчытааҕы Республиканскай олимпийскай эрэллэри бэлэмниир интернат орто оскуолата ылла. 

  И.И.Кандинскай аатынан "Айыллаан" култуура киинэ туруорбут спецприһын "Саамай көхтөөх ыалдьааччылар" үрдүк аатын ыллылар Чурапчытааҕы Государственнай Физическай культура уонна спорт института ыллылар. 
Бары кыттыбыт Чурапчыбыт нэһилиэгин тэрилтэлэригэр "Айыллаан" култуура киинин аатыттан дириҥ махталбытын тиэрдэбит. 

Муус устар 18 күнүгэр Чурапчы нэһилиэгэр, “Арчы дьиэтигэр” Айыыһыт ыйыгар аналлаах ый сиэрэ-туома оҥоһулунна.
Алгыһы Мария Петровна Божедонова - Һэгэлдьийэ түһэрдэ, "Сардаҥа" итэҕэл түмсүүтүн кыттыылааҕа Зоя Ксенофонтовна Мохначевская - Туойука Толбонноох алгыска тиксэ кэлбит дьону, чараас эйгэтинэн ыраастаан көрүстэ, алгыс тылын ис күүһүн чиҥэтэн хомус тыаһынан доҕуһуоллаата, тойугунан ситэрдэ.
Сиэр-туом толору оҥоһуллубутун кэннэ "Арчы дьиэтин" үлэһиттэрэ ыалдьыттарын алгыстаах алаадьынан, арыылаах саламаатынан, быыппаҕынан айах тутан күндүлээтибит. 
*Айыыһыт ийэ хотуҥҥа* сүгүрүйэн, дьиэ кэргэммит соргутун улаатыннардыбыт, төрүүр-ууһуур олохпутун тускулаатыбыт. 
"Арчы дьиэтигэр" ый ахсын нэһилиэнньэҕэ анаан "Ый сиэрэ-туома" ыытылларын бука барыгар иһитиннэрэбит, кэлэн алгыска тиксэн санааҕытын бөҕөргөтүнэргитигэр ыҥырабыт.

🎤🎶Чурапчы нэһилиэгин олохтоохторун ытык мааны ыалдьыттарын муус устар 1️⃣9️⃣ күнүгэр киэһээ 1️⃣8️⃣:0️⃣0️⃣ чаастан *"Две звезды"* тэрилтэлэр икки ардыларыгар ыытыллар күрэххэ бука барыгытын ыҥырабыт!🎼🎶🎤🌟 *Буолар сирэ:* И.И.Кандинскай аатынан "Айыллаан" култуура киинэ  *Киирии билиэт* 4️⃣0️⃣0️⃣ солк. Билиэттэр «*Айыллаан*»кассатыгар уонна  сайт нөҥүө атыылаһын 👇🏻🎫   https://widget.p24.app/9d1ffc68-0c2c-4e4f-a946-a11a11dc6255/cinema/activity/cc22b92b-19d5-488b-bc9d-a0a1d90f4f22 🔸Бу күн бэйэтин тэрилтэтигэр бастыҥнык ыалдьыбыт дьоҥҥо *СПЕЦПРИЗ* оонньонуоҕа🎁👏🏻

🎥 *РЕПЕРТУАР с «18» апреля по «24» апреля 2024г*🎥  


*‼️(КАЖДЫЙ ПОНЕДЕЛЬНИК – САНИТАРНЫЙ ДЕНЬ)‼️*
 *Новые фильмы показываем в течении месяца* 🎟️
  
🎥*10:00 - «Кунг-Фу Панда 1️⃣ часть сахалыы»* (мульт) 3+ Прод-ть 90 мин. (250 руб) 


🎥*11:50 - «Карина»* (драма) 12+ Прод-сть 110 мин. (250руб.) 


🎥 *13:40- «Кун-фу панда 3️⃣ сахалыы тылбастаах»* (муль) 3+ Прод-сть 100 мин. (250руб)


🎥*15:30 - «Карина»* (драма) 12+ Прод-ть 100мин. (250 руб.) 


🎥 *17:30 - «Манкимэн»* (боевик) 18+ Прод-сть 121 мин. (250руб.) 


🎥 *19:40 - «Карина»* (драма) 16+ Прод-сть 100 мин. (250руб)


                
*Уважаемые зрители!*
🆕Вы можете приобрести у нас сертификаты на посещение любого киносеанса. 🎫Порадуйте своих близких 🤗
📌Несовершеннолетние зрители в киносеансы с 20:00ч. допускаются в сопровождении родителя (законного представителя)
📌Детям до 5 лет бесплатно, без предоставления места 
📌Именинникам вход бесплатный при предъявлении документа 3 дня до и 3 дня после. 
📌Вторник – многодетным семьям 50 % скидка от стоимости билета 
📌Среда – пенсионеры, инвалиды 50 % скидка от стоимости билета 
📌На все дни кроме четверга – ветераны боевых действий, дети сироты (круглые сироты) 50% скидка от стоимости билета 


‼️Обновление репертуара каждый четверг👉🏻  https://ayllaan.ru
 📌 *Бронь автоматически снимается за 20 минут до сеанса.* 
*Обязательным условием для показа последнего киносеанса, является наличие не менее 4 купленных билетов.*


КАССА 📞: *89841071998*


🎤🎶Чурапчы нэһил

​​​​

🌞🌞🌞Бука бары ЧУРАПЧЫ нэһилиэгин олохтоохторун уонна ыалдьыттарын!!!                                    🎪🎪🎪 Кулун тутар 3️⃣0️⃣ күнүгэр, Чурапчы Эбэтигэр *"УРУЙДУУБУТ САНДАЛ СААҺЫ"* кыһыны атаарар норуот күүлэйигэр ыҥырабыт!!! ⛸️⛸️⛸️ Сандал сааһы уруйдуу, бары бииргэ көрсүөҕүн!🌞🌞🌞