"Утум" уус дьиэтин иһинэн талба талааннаахтары түмэр араас куруһуоктар үлэлииллэр. Онтон биирдэстэрэ баайыы кэрэ абылаҥа "Умсулҕан" куруһуок буолар. Салайааччы Варвара Гаврильевна Бурнашева. Хамаанда үлэтэ сыаллаах - соруктаах буоларын көрдөрөн, куруһуок кыттыылаахтара бэйэлэрин баҕаларынан дьиэлэрин иннигэр икки күөх харыйаны баайыы оонньуурдарынан симээтилэр.

Чурапчы улууһун Одьулуун нэһилиэгэр, “Радость” эбии үөрэхтээһин киинин көҕүлээһининэн “Молодые профессионалы - 2025” “Изделия из конского волоса” компетенцияҕа күрэхтэһии ыытылынна.

Дьүүллүүр сүбэ бэрэссэдээтэлинэн “Сиэл тойуга” куруһуок салайааччыта, Саха Өрөспүүбүлүкэтин уус – уран оҥоһуктарын маастара Бурнашова Варвара Гаврильевна үлэлээтэ.

Надежда Прокопьевна эдэр эрдэҕиттэн иис кэрэ абылаҥар уһуйуллан, Саха Өрөспүүбүлүкэтин норуотун маастарыгар тиийэ сайдан, бэйэтин тула биир санаалаахтарын түмэн, төрүт иис кистэлэҥэр угуйан, өр сылларга үлэлээбит үлэтэ, саха төрүт култууратыгар киллэрбит кылаата үрдүктүк сыаналанна.
Итии - истиҥ эҕэрдэ уран тарбахтаах маастарбытыгар.

Бүгүн Чурапчы улууһугар Олоҥхо декадатын үөрүүлээх аһыллыытыгар, "Утум уус дьиэтин" иһинэн үлэлиир "Сиэл тойуга" куруһуок иитиллээччитэ Коркина Елизавета Николаевна тэрээһин кыттыылаахтарыгар сиэл хатыытыгар маастар кылаас ыытта. 

"УТУМ" уус дьиэтэ ийэ күнүн декадатын чэрчитинэн "Дьикти таас" куруһуок салайааччыта Надежда Слепцова "Ийэбэр ис сүрэхтэн " оҕуруонан брелок оҥоруутугар маастар кылаас ыытта.

Чурапчы улууһа Өрөспүүбүлүкэбитигэр, Арассыыйаҕа талба талааннаах
Алтынньы 15 күнүгэр сарсыарда 10 чаастан И.Н.Винокуров аатынан "Айылгы" норуот айымньытын дьиэтигэр төрүт үгэспитин үксэтэр сыаллаах, сыллааҕы былааны торумнуур, кэскиллээҕи кэрэһилиир сүбэ мунньахха мустан, соргулаах сонуну атах тэпсэн олорон кэпсэтии, мустубут дьон интириэһин тарта. 

 

Алтынньы 7 күнүгэр "УТУМ" дьиэтин иһинэн үлэлиир куруһуоктар салайааччылара инники былааннарын торумнастылар. Быйыл саҥа үлэ тэтимигэр Утум дьиэтигэр 16 куруһуок үлэлиирэ былааннанар. Араас хабааннаах куруһуоктарбытыгар нэһилиэкпит олохтоохторун суруйтарыыга анал биллэриилэр тарҕаныахтара. 

🌿🌿Ыам ыйын 15 күнүгэр Чурапчы нэһилиэгин «Утум» уус дьиэтин иһинэн үлэлиир, сыл устата араас хабааннаах күрэхтэргэ кыттыбыт куруһуоктарга ситиһиилэрин туоһулуур мэҥэ суруктары «Култуура сайдар саргыта» тэрээһиҥҥэ туттарылыннылар👏🏻

🌿Улуу кыайыы 80 сылын көрсө «Утум» уус дьиэтин иһинэн үлэлиир «Умсулҕан» баайыы түмсүүтүн кыттыылаахтара киһи эрэ хайгыы көрөр улахан *«Спасибо за мирное небо»* паннону баайан таһаардылар. Түмсүү салайааччыта, Варвара Гарильевна Бурнашева, кулун тутар 24 күнүттэн саҕалаан акцияҕа кыттыан баҕалаахтары ГВОЗДИКА сибэккини баайарга үөрэтэн саҕалаан эрэр. 
Түгэнинэн туһанан Чурапчыбыт үтүө-мааны дьонун, биһиги акциябытыгар кыттыһаргытыгар ыҥырабыт🙌🏻🌿
Сиһилии бу сигэнэн киирэн көрүҥ👉🏻 https://t.me/aiyllaan_chur/192