XV-с «Миссис Чурапча» куонкурус кыайыылааҕа — Матрена Пермякова
Чурапчыга сыл бастыҥ, саамай кэтэһиилээх, уоттаах-күөстээх тэрээһинэ — «Миссис Чурапча-2023» куонкурус А.И. Федотов аатынан элбэх функциялаах спортивнай комплекска буолла. Быйылгы үбүлүөйдээх XV-с төгүлүн ыытыллар куонкурус Чурапчы нэһилиэгэ төрүттэммитэ 375 сылыгар ананна.
Тоҕус томтордоох Чурапчыга уопсайа 9 кыттааччы кытынна. Эдэр ийэлэр биэс түһүмэххэ барытыгар олус бэлэмнэммиттэр. Кинилэри эстрада артыыһа Петр Кулаковскай бэрэссэдээтэллээх дьүүллүүр сүбэ сыаналаата.
Бастакынан бэйэни билиһиннэрии түһүмэх буолла. Иккис, интеллектуальнай түһүмэххэ кырачааннар биэрбит нэһилиэк историятыгар сыһыаннаах боппуруостарыгар кыттааччылар сөптөөх хоруйдары биэрдилэр.
ҮҺүс түһүмэххэ кэрэ аҥаардар үлэлиир тэрилтэлэрин историятын, үлэтин-хамнаһын сырдатар уонна тус идэлэрин туһунан кэпсиир видеороликтара күөх экраҥҥа көһүннэ.
Салгыы төрдүс түһүмэххэ кэрэ куолар сөҕүмэр, дэгиттэр дьоҕурдарын, талааннарын, сөбүлүүр дьарыктарын арыйдылар.
Бүтэһик түһүмэххэ ыҥырыылаах ыалдьыт Игорь Егоров намыын ырыатыгар уйдаран киэһээҥҥи былааччыйаларын кэтэн сыанаҕа тахсан, кэрэ көстүүнү бэлэхтээтилэр.
Куонкурус кыайыылааҕынан «Улыбка» уһуйаан муусукаҕа уһуйааччыта Матрена Пермякова ааттанна. Киниэхэ 150 тыһ. суумалаах сэртипикээти нэһилиэк баһылыга Владимир Сивцев туттарда.
«Бу куонкуруска кыттарбар үлэлиир уһууйаным улахан күүс-көмө буолан, күн аайы күүскэ бэлэмнэнэн, кыайыыга бигэ эрэллээх этим. Кыайардыы сыал-сорук туруорунан кытынным. Дьоҕуру көрдөрүүгэ сонун, ураты көстүү буоллун диэн, дьону сөхтөрөөрү испанскайдыы «Дикий ангел» ырыаны толордум. Бэйэни билиһиннэрии түһүмэҕи ыарырхаттым. Тоҕо диэтэр, хаһан даҕаны маннык кэрэ аҥаардар куонкурустарыгар кыттыбатаҕым. Бастакы холонуум буолар. Махталбын бастатан туран салайааччыбар Екатерина Семеновнаҕа тиэрдэбин. Кини сүбэтинэн элбэххэ үөрэнним, кини үтүөтүнэн бу эрэ куонкуруска буолбакка, 10 сыл устата үгүс ситиһиилэнним. Маны таһынан куруук өйүүр, өйдүүр ийэбэр, үлэлиир кэлэктииппэр махтанабын. Кинилэр баар буолан, бу куонкуруһу кыайдым”, — диэн «Миссис Чурапча-2023» Матрена Пермякова үөрүүтүн үллэһиннэ.
Бастакы вице-миссис «Березка» уһуйаан иитээччитэ Светлана Кузьмина уонна иккис вице-миссис Чурапчытааҕы успуорт үнүстүүтүн үрдүкү преподавателэ Айталина Пугачева буоллулар. Кэрэ куолар «Тур Люкс» ХЭТ уонна «Позитроника» маҕаһыын сэртипикээттэрин туттулар.
Куйаар ситиминэн ыытыллыбыт куоластааһын түмүгүнэн, элбэх куолаһы ылан «Көрөөччү биһирэбилэ» аат кыайыылааҕынан Матрена Пермякова тахсан, урбаанньыт Анастасия Сивцева туруорбут 20 тыһ. суумалаах сэртипикээтинэн наҕараадаланна.
«Биһиги төрдүс төгүлүн «Миссис Чурапча» ааты ылабыт. Бу кистэлэҥэ, мин санаабар хамаандаҕа сытар. Хас биирдии киһи ис дууһатыттан көмөлөһөрүгэр, ис дууһатыттан дьүөгэтигэр ыалдьарыгар уонна кэлэктиип биир киһи курдук үлэҕэ, сынньалаҥҥа, мэлдьи инники сылдьарыттан тутулуктаах. «Улыбка” уһуйаан кэлэктиибэ хаһан баҕарар буоларын курдук түмсүүлээҕин уонна кыайыыга дьулуурдааҕын көрдөрдө», — диэн «Улыбка» уһуйаан сэбиэдиссэйэ Екатерина Иванова бэлиэтээтэ.
Быйылгы үбүлүөйдээх «Миссис Чурапча» куонкуруһу Саха сиригэр биллэр-көстөр ыытааччылар Лиза Газизова, Александр Максимов сэргэхтик ыытан, тэрээһин таһымын үрдэттилэр. Бу күн саалы толору кэлбит көрөөччүлэр, ыалдьааччылар дуоһуйдулар, астыннылар. Онон куонкурус сылтан сыл тупсан иһэрин тэрийээччилэр бу да сырыыга бигэргэттилэр.
Марфа Петрова. "Саҥа олох"
Тоҕус томтордоох Чурапчыга уопсайа 9 кыттааччы кытынна. Эдэр ийэлэр биэс түһүмэххэ барытыгар олус бэлэмнэммиттэр. Кинилэри эстрада артыыһа Петр Кулаковскай бэрэссэдээтэллээх дьүүллүүр сүбэ сыаналаата.
Бастакынан бэйэни билиһиннэрии түһүмэх буолла. Иккис, интеллектуальнай түһүмэххэ кырачааннар биэрбит нэһилиэк историятыгар сыһыаннаах боппуруостарыгар кыттааччылар сөптөөх хоруйдары биэрдилэр.
ҮҺүс түһүмэххэ кэрэ аҥаардар үлэлиир тэрилтэлэрин историятын, үлэтин-хамнаһын сырдатар уонна тус идэлэрин туһунан кэпсиир видеороликтара күөх экраҥҥа көһүннэ.
Салгыы төрдүс түһүмэххэ кэрэ куолар сөҕүмэр, дэгиттэр дьоҕурдарын, талааннарын, сөбүлүүр дьарыктарын арыйдылар.
Бүтэһик түһүмэххэ ыҥырыылаах ыалдьыт Игорь Егоров намыын ырыатыгар уйдаран киэһээҥҥи былааччыйаларын кэтэн сыанаҕа тахсан, кэрэ көстүүнү бэлэхтээтилэр.
Куонкурус кыайыылааҕынан «Улыбка» уһуйаан муусукаҕа уһуйааччыта Матрена Пермякова ааттанна. Киниэхэ 150 тыһ. суумалаах сэртипикээти нэһилиэк баһылыга Владимир Сивцев туттарда.
«Бу куонкуруска кыттарбар үлэлиир уһууйаным улахан күүс-көмө буолан, күн аайы күүскэ бэлэмнэнэн, кыайыыга бигэ эрэллээх этим. Кыайардыы сыал-сорук туруорунан кытынным. Дьоҕуру көрдөрүүгэ сонун, ураты көстүү буоллун диэн, дьону сөхтөрөөрү испанскайдыы «Дикий ангел» ырыаны толордум. Бэйэни билиһиннэрии түһүмэҕи ыарырхаттым. Тоҕо диэтэр, хаһан даҕаны маннык кэрэ аҥаардар куонкурустарыгар кыттыбатаҕым. Бастакы холонуум буолар. Махталбын бастатан туран салайааччыбар Екатерина Семеновнаҕа тиэрдэбин. Кини сүбэтинэн элбэххэ үөрэнним, кини үтүөтүнэн бу эрэ куонкуруска буолбакка, 10 сыл устата үгүс ситиһиилэнним. Маны таһынан куруук өйүүр, өйдүүр ийэбэр, үлэлиир кэлэктииппэр махтанабын. Кинилэр баар буолан, бу куонкуруһу кыайдым”, — диэн «Миссис Чурапча-2023» Матрена Пермякова үөрүүтүн үллэһиннэ.
Бастакы вице-миссис «Березка» уһуйаан иитээччитэ Светлана Кузьмина уонна иккис вице-миссис Чурапчытааҕы успуорт үнүстүүтүн үрдүкү преподавателэ Айталина Пугачева буоллулар. Кэрэ куолар «Тур Люкс» ХЭТ уонна «Позитроника» маҕаһыын сэртипикээттэрин туттулар.
Куйаар ситиминэн ыытыллыбыт куоластааһын түмүгүнэн, элбэх куолаһы ылан «Көрөөччү биһирэбилэ» аат кыайыылааҕынан Матрена Пермякова тахсан, урбаанньыт Анастасия Сивцева туруорбут 20 тыһ. суумалаах сэртипикээтинэн наҕараадаланна.
«Биһиги төрдүс төгүлүн «Миссис Чурапча» ааты ылабыт. Бу кистэлэҥэ, мин санаабар хамаандаҕа сытар. Хас биирдии киһи ис дууһатыттан көмөлөһөрүгэр, ис дууһатыттан дьүөгэтигэр ыалдьарыгар уонна кэлэктиип биир киһи курдук үлэҕэ, сынньалаҥҥа, мэлдьи инники сылдьарыттан тутулуктаах. «Улыбка” уһуйаан кэлэктиибэ хаһан баҕарар буоларын курдук түмсүүлээҕин уонна кыайыыга дьулуурдааҕын көрдөрдө», — диэн «Улыбка» уһуйаан сэбиэдиссэйэ Екатерина Иванова бэлиэтээтэ.
Быйылгы үбүлүөйдээх «Миссис Чурапча» куонкуруһу Саха сиригэр биллэр-көстөр ыытааччылар Лиза Газизова, Александр Максимов сэргэхтик ыытан, тэрээһин таһымын үрдэттилэр. Бу күн саалы толору кэлбит көрөөччүлэр, ыалдьааччылар дуоһуйдулар, астыннылар. Онон куонкурус сылтан сыл тупсан иһэрин тэрийээччилэр бу да сырыыга бигэргэттилэр.
Марфа Петрова. "Саҥа олох"
