Бүгүн биир дойдулаахтарбыт Ил Дархан стипендиятын сертификаттарын туттулар.
Сэтинньи 25 күнүгэр Туймаада дьоллоох туонатыгар Ил Дархан Айсен Сергеевич Николаев бастакы номердаах Саха Сирин правительствотын дьиэтин овальнай саалатыгар мустубут дьону ОЛОҤХО КҮНҮНЭН ЭҔЭРДЭЛЭЭТЭ уонна Олоҥхо Ыһыаҕын тэрийэн ыытыы үһүс уон сылын анал балаһыанньатыгар илии баттаата.Салҕыы Олоҥхону толорууга,бастыҥ оһуохайдьыттарга,иис -күүс бастыҥнарыгар,тимир уустарын күөн туттар дьонноругар Ил Дархан стипендияларын анааһын сиэригэр - туомугар правительство бэрэссэдээтэлин солбуйааччы Сергей Местников кыттыыны ылла.Чурапчы улууһуттан Олоҥхону толорооччу Николай Дьячковскай,оһуохайы таһаарыыга Валентина Дьячсковская, иискэ - уран тарбахтаах Надежда Ахматова Саха Республикатын Ил Дарханын анал стипендиятын сертификаттарын туттулар. Маны таһынан Чурапчы Хатылытыттан төрүттээх Николай Аржаков-Боло Уус Саха сирин бастыҥ тимир уустарын кытта биир кэккэҕэ туран Ил Дархан стипендиятын сертификатын тутта.
Күндү биир дойдулаахтарбытын, саха төрүт үгэстэрин тарҕатан,Сахабыт сирин култууратын сайдыытыгар бэйэҕит сүҥкэн кылааккытын киллэрбит сыралаах үлэҕит сыаналаммытынан И.И. Кандинскай аатынан "Айыллаан" култуура киинин коллективын аатыттан итииитик - истиҥник эҕэрдэлиибит! 