Кулун тутар 3 күнүгэр дьоллоох Дьокуускай куорат килбэйэр киинигэр "Утум" уус дьиэтин иһинэн үлэлиир "Силик" төрүт иис мастарыскыайын салайааччыта, Саха Республикатын норуотун маастара Надежда Прокопьевна Ахматова "Үйэлэри ситимнээн" айар быыстапкатын арыллыыта үөрүүлээх быһыыга-майгыга ааста. Быыстапкаҕа Надежда Прокопьевна үлэлэрин таһынан, кини салайар "Силик" түмсүүтүн уран тарбахтаах Далбар хотуттара тигэн таһаарбыт сөҕүмэр үлэлэрэ туруоруллан дьон-сэргэ кэрэхсэбилин ылыллар. "Силик" түмсүүнү кытары ыкса үлэлэһэр, тикпит бууктаах соннорун симэҕин толору оҥорбут, көмүс ууһа Мугудай нэһилиэгин норуотун маастара Олег Семенович Никифоров оҥоһуктара быыстапканы киэргэттилэр.Надежда Прокопьевна түмсүүтүн хайдах тэрийэн Чурапчы нэһилиэгин талааннаах далбардарын төрүт иискэ угуйбутун сэһэргээтэ. Мантан сирдэтэн кини бууктаах соннору научнай өттүнэн сиһилии чинчийэн үөрэтиитигэр олоҕуран, проект оҥорон таһааран Саха Сирин Ил дарханын гранын өйөбүлүн ылан, Республикабыт 3 түмэлигэр хараллан сытар 4 Бууктаах соннору сөргөхсүтэн тикпиттэрин ону таһынан иистэнньэҥнэргэ көмө босуобуйа кинигэ таһаарбыттарын кэлбит ыалдьыттар сэргии иһиттилэр. Билигин бу бырайыак салгыы үлэлээн оҕолору төрүт иискэ үөрэтэ сылдьалларын туһунан Надежда Прокопьевна кэпсээтэ.Бу быыстапка кулун тутар 13 күнүгэр дылы Дьокуускай куоракка "Симэх" арт-салонугар (Аржакова уул 6-с дьиэтэ) туруоҕа, бу күннэргэ кэлэн төрүт иис кэрэтин сэргээн диэн ыҥырабыт.Кулун тутар 10 -13 күннэригэр мастар Надежда Прокопьевна быыссапка араас көрүҥэр (оҕуруонан, көмүс сабынан, таҥалайдыы анньыы) маастар-кылаас ыытыаҕа, ону тэҥэ быыкарайка арааһын кырыйан, таҥаһы быһан биэриэҕэ.
Кулун тутар 3 күнүгэр дьоллоох Дьокуускай куорат килбэйэр киинигэр "Утум" уус дьиэтин иһинэн үлэлиир "Силик" төрүт иис мастарыскыайын салайааччыта, Саха Республикатын норуотун маастара Надежда Прокопьевна Ахматова "Үйэлэри ситимнээн" айар быыстапкатын арыллыыта үөрүүлээх быһыыга-майгыга ааста. Быыстапкаҕа Надежда Прокопьевна үлэлэрин таһынан, кини салайар "Силик" түмсүүтүн уран тарбахтаах Далбар хотуттара тигэн таһаарбыт сөҕүмэр үлэлэрэ туруоруллан дьон-сэргэ кэрэхсэбилин ылыллар. "Силик" түмсүүнү кытары ыкса үлэлэһэр, тикпит бууктаах соннорун симэҕин толору оҥорбут, көмүс ууһа Мугудай нэһилиэгин норуотун маастара Олег Семенович Никифоров оҥоһуктара быыстапканы киэргэттилэр.Надежда Прокопьевна түмсүүтүн хайдах тэрийэн Чурапчы нэһилиэгин талааннаах далбардарын төрүт иискэ угуйбутун сэһэргээтэ. Мантан сирдэтэн кини бууктаах соннору научнай өттүнэн сиһилии чинчийэн үөрэтиитигэр олоҕуран, проект оҥорон таһааран Саха Сирин Ил дарханын гранын өйөбүлүн ылан, Республикабыт 3 түмэлигэр хараллан сытар 4 Бууктаах соннору сөргөхсүтэн тикпиттэрин ону таһынан иистэнньэҥнэргэ көмө босуобуйа кинигэ таһаарбыттарын кэлбит ыалдьыттар сэргии иһиттилэр. Билигин бу бырайыак салгыы үлэлээн оҕолору төрүт иискэ үөрэтэ сылдьалларын туһунан Надежда Прокопьевна кэпсээтэ.Бу быыстапка кулун тутар 13 күнүгэр дылы Дьокуускай куоракка "Симэх" арт-салонугар (Аржакова уул 6-с дьиэтэ) туруоҕа, бу күннэргэ кэлэн төрүт иис кэрэтин сэргээн диэн ыҥырабыт.Кулун тутар 10 -13 күннэригэр мастар Надежда Прокопьевна быыссапка араас көрүҥэр (оҕуруонан, көмүс сабынан, таҥалайдыы анньыы) маастар-кылаас ыытыаҕа, ону тэҥэ быыкарайка арааһын кырыйан, таҥаһы быһан биэриэҕэ.
