"ФЕЕРИЯ ТАНЦА" ҮҤКҮҮ КИЭҺЭТЭ ЧУРАПЧЫ НЭҺИЛИЭГИН ОЛОХТООХТОРУН ТҮМЭ ТАРТА.

Тэрилтэлэр икки ардыларыгар култуура тэрийэр күрэхтэрэ, тэрээһиннэрэ куруук үрдүк таһымҥа ыытыллаллар. 
"Феерия Танца" күрэх быйыл "Дьиэрэҥкэй"  оҕо народнай үҥкүү ансаамбыла тэриллибитэ 45 сылыгар ананна. Бу киэһээ Чурапчы нэһилиэгэр үлэлиир хореографтара түмсэн, имигэс хамсаныылаах, биир ситимнээх экспозициянан чаҕылхайдык арыйааһын көрөөччү биһирэбилин ылыан ылла.


 Күрэххэ кыттааччыларбыт 2 - 3 нэдиэлэ кэриҥэ түмсэннэр, тэтимнээхтик бэлэмнэн, бүтүн коллективка саҥалыы таҥас - сап тигэн үрдүк сыанаҕа үлэлээбит үлэлэрин дьүүллүүр сүбэ иннигэр көмүскээтилэр. Дьүүллүүр сүбэҕэ А.Д.Макарова аатынан култуура уонна искусство колледжын выпускниктара, үҥкүүнэн кэрэни кэрэһэлиир эдэр үлэһиттэрбит: "Дьиэрэҥкэй" оҕо народнай үҥкүү ансаамбылын салайааччыта Аси - Куо Васильевна Ашеина, балетмейстер Ньургуйаана Николаевна Седалищева уонна Иннокентий Иннокентьевич Поисеев. 

Иккис бөлөх кыайыылаахтара

3 степеннээх лауреат – “Сомоҕо” хамаанда (бэтэринэриийэ управлениета, “Кэскил” уһуйаан, “Чурапчы” ТХПК, мелиорация, суут приставтара, “Дьулуур” ХЭТ, Андрей Гоголев аатынан муусука оскуолата, “Дорожник” ХЭТ, “Сбербанк России”, ГАУ “Якутлесресурс”);
2 степеннээх лауреат – “Үрдэл” хамаанда(СӨ 38-с нүөмэрдээх Судаарыстыбаннай сулууспатын уоттан быыһыыр этэрээт, нэһилиэнньэ социальнай харалтатын управлениета, нэһилиэнньэ дьарыктаах буолуу киинэ, саастарын ситэ туола илик оҕолору реабилитациялыыр киин, быыһабыл сулууспата, киин бухгалтерия, “Алмазкредитсервис” );

1 степеннээх лауреат – “Түмэн” хамаанда (Прокопий Сокольников аатынан Чурапчытааҕы киин балыыһа, Иван Винокуров аатынан оройуоннааҕы “Айылгы” НАДь-тэ, Чурапчы улууһун култууратын управлениета, Өндөрүүскэ Саабын аатынан устуоруйа уонна этнография түмэлэ, Егор Борисов аатынан киин архыып-бибилэтиэкэ, улуус урбаанньыттарын түмсүүтэ, ЗАГС, “Роспотребнадзор”, “Саха” НКИХ филиала).

Бастакы бөлөх кыайыылаахтара

3 степеннээх лауреат – “Өрөгөй” хамаанда(Дмитрий Коркин
 аатынан Чурапчы өрөспүүбүлүкэтээҕи ыспартыыбынай олимпийскэй эрэллэри бэлэмниир орто интэринээт-оскуола, “Алмазэргиэнбанк”);


2 степеннээх лауреат – “Модун” хамаанда(Чурапчытааҕы Судаарыстыбаннай физическай култуураҕа уонна успуорка үнүстүүтэ уонна Мария Спиридонова аатынан  “Чуораанчык” оҕо сайдар киин);
1 степеннээх лауерат – “Дохсун” хамаанда (Чурапчытааҕы олох-дьаһах хомунаалынай хаһаайыстыбата, Прасковья Борисова аатынан “Улыбка” оҕону сайыннарар киин-уһуйаан, “Маарыкчаан” ПО, “Аартык” ПК)."БАСТЫҤ  ЫАЛДЬААЧЧЫ" күрэх түмүгэнэн кыайыылаах үрдүк аатын ситистилэр “Үрдэл” хамаанда (СӨ 38-с нүөмэрдээх Судаарыстыбаннай сулууспатын уоттан быыһыыр этэрээт, нэһилиэнньэ социальнай харалтатын управлениета, нэһилиэнньэ дьарыктаах буолуу киинэ, саастарын ситэ туола илик оҕолору реабилитациялыыр киин, быыһабыл сулууспата, киин бухгалтерия, “Алмазкредитсервис” );


Сырдыгынан сыдьаайар, барыга бары көхтөөх, инникилэригэр эрэллээх, тулуурдаах, дьулуурдаах, түмсүүлээх тэрилтэлэрбит коллективтарыгар, салайааччыларыгар уонна профсоюзтарын бэрэссэдээтэллэригэр үҥкүү киэһээтин бэлэхтээбиккитигэр барҕа махталбытын тиэрдэбит!