ОЛОҤХО КҮНЭ

Бүгүн "Айыллаан" СК иһинэн үлэлиир "Арчы" дьиэтин көҕүлээһининэн Саха Республикатыгар "Олоҥхо" декадатыгар уонна хомус күнүгэр сөп түбэһиннэрэн Чакыр нэһилиэгиттэн Саха норуотун уус уран айымньытын өрө туппут талба талааннаахтар кэлэн ыалдьыттаатылар. Ол курдук Николай Никитич Григорьев Чурапчы улууһун бастыҥ олоҥхоһута бүгүн С.С.Яковлев - Эрилик Эристиин "Буура Дохсун" олоҥхотуттан быһа тардан аахта онтон араас таһымнаах Российскай, Республиканскай конкурстар кыайыылаахтара "Кылыһах" фольклорнай ансамбль ситэрэн бу киэһээни өссө киэргэтэн биэрдэ. Маны даҕатан эттэххэ Николай Никитич кэргэнинээн Дария Константиновналыын бииргэ олорбуттара 50 сыл буолбут, онон бу кыһыл көмүс бэлиэ күн ис хоһооно өссө дириҥээн биэрдэ. Олоҥхо күнүгэр нэһилиэк дьаһалтатын уонна "Айыллаан" эдэр коллектива кэлэн дьиҥ сахалыы саҥаны истэн, сахалыы тыыны ылан дууһалыын сынньанан, санаалыын сайҕанан истиҥник махтаннылар. Григорьевтар дьиэ кэргэттэригэр баҕарабыт чэгиэн туругу, дьоллоох олоҕу. Чакыр нэһилиэгин талааннаахтарыгар барыгытыгар улахан махталбытын тиэрдэбит.