"ДЬОЛ ХАРА5ЫН УУТА" ИСПЭКТЭЭК ДЬОН БИҺИРЭБИЛИН ЫЛЛА!
Муус устар 10 күнүгэр, "Дьол хара5ын уута" диэн Василий Николаев театрализованнай дьүһүйүүтэ биир дойдулаахпыт Хотуйа (Мария) Лаврова ыарахан ыарыыттан эмтэнэригэр көмө быһыытынан Айыллаан СК сыанатыгар туруорулунна. Саала толору көрөөччү буолан үөртэ даҕаны долгутта даҕаны. Бары көрөөччүлэр астынан ытыс тыаһын бэлэхтээтилэр, махтал тылларын эттилэр.
“Тетрализованнай дьүһүйүүнү ааптар бэйэтэ Василий Николаев уонна Татьяна Хомподоева көмөлөөн туруордулар. Хас биирдии бырайыакка, тэрээһиҥҥэ биир эрэ киһи буолбакка, кэлэктииппит 100 бырыһыан бары кыттыыны ылабыт, сүүстэ сүбэлэһэн бэйэ-бэйэни истиһиигэ тиийэбит. Бу сырыыга ол оннук 90-с сыллардааҕы кэми көрдөрөөрү, эргэ ампаар малларын, таҥастарын-саптарын мунньан, туттар тэриллэри булан, ол саҕанааҕы кэми, эйгэни көрөөччүлэргэ бэлэхтииргэ дьулустубут. Эдэр, талааннаах үлэһиттэри дириэктэрбит Розалия Ивановна айар үлэҕэ көҥүл биэрэн, саҥа бырайыак олоххо киирэригэр толору өйүүр, өйдүүр, онон сиэттэрэн кэлэктиип бэркэ табыллан үлэлиир-хамныыр диэххэ сөп.
Туруоруу оруолларыгар: Василий Николаев, Татьяна Хомподоева, Марианна Дохунаева, Айтал Беляев, Андрей Илларионов, Ольга Ноева, Евдокия Бурнашева, Айылхаана Макарова, Виктор Илларионов, Василий Макаров оонньоотулар. Сыанабыт көстүүтүн Ирина Васильева, Петр Лонгинов, Владимир Андреев олус кыһаллан-мүһэллэн туран ылсан оҥордулар.
Артыыстар гримнэрин Марфа Захарова бэлэмнээтэ, уот-күөс, муусука Ньургун Капитонов, Александр Лугинов өттүлэриттэн буолла. Саала иһэ толору көрөөччү мустубутуттан, хабыллар ытыс тыаһыттан өр сыанаттан түспэтэхпит...онон күндүтүк саныыр, аһымал аахсыйа кыттыспыт бар дьоммутун, биир дойдулаахтарбытыгар, күндү көрөөччүлэрбитигэрдириҥ махталбытын тиэрдэбит”, - диэн уус-уран салайааччыбыт Ольга Ноева кэпсээтэ.
“Тетрализованнай дьүһүйүүнү ааптар бэйэтэ Василий Николаев уонна Татьяна Хомподоева көмөлөөн туруордулар. Хас биирдии бырайыакка, тэрээһиҥҥэ биир эрэ киһи буолбакка, кэлэктииппит 100 бырыһыан бары кыттыыны ылабыт, сүүстэ сүбэлэһэн бэйэ-бэйэни истиһиигэ тиийэбит. Бу сырыыга ол оннук 90-с сыллардааҕы кэми көрдөрөөрү, эргэ ампаар малларын, таҥастарын-саптарын мунньан, туттар тэриллэри булан, ол саҕанааҕы кэми, эйгэни көрөөччүлэргэ бэлэхтииргэ дьулустубут. Эдэр, талааннаах үлэһиттэри дириэктэрбит Розалия Ивановна айар үлэҕэ көҥүл биэрэн, саҥа бырайыак олоххо киирэригэр толору өйүүр, өйдүүр, онон сиэттэрэн кэлэктиип бэркэ табыллан үлэлиир-хамныыр диэххэ сөп.Туруоруу оруолларыгар: Василий Николаев, Татьяна Хомподоева, Марианна Дохунаева, Айтал Беляев, Андрей Илларионов, Ольга Ноева, Евдокия Бурнашева, Айылхаана Макарова, Виктор Илларионов, Василий Макаров оонньоотулар. Сыанабыт көстүүтүн Ирина Васильева, Петр Лонгинов, Владимир Андреев олус кыһаллан-мүһэллэн туран ылсан оҥордулар.
Артыыстар гримнэрин Марфа Захарова бэлэмнээтэ, уот-күөс, муусука Ньургун Капитонов, Александр Лугинов өттүлэриттэн буолла. Саала иһэ толору көрөөччү мустубутуттан, хабыллар ытыс тыаһыттан өр сыанаттан түспэтэхпит...онон күндүтүк саныыр, аһымал аахсыйа кыттыспыт бар дьоммутун, биир дойдулаахтарбытыгар, күндү көрөөччүлэрбитигэрдириҥ махталбытын тиэрдэбит”, - диэн уус-уран салайааччыбыт Ольга Ноева кэпсээтэ.
