ЧУРАПЧЫ 373 СЫЛА!
Бүгүн Чурапчы нэһилиэгэ 373 сылын бэлиэтиир дьоро чааьа РДНТ "Айылгы" дьиэтигэр онлайн ыытылынна. Үөрүүлээх чааска нэһилиэк дьонун улахан бырааһынньыгынан Чурапчы нэһилиэгин Аҕа баһылыга Владимир Сивцев, нэһилиэк дьокутааттарын Сэбиэтин бэрэссэдээтэлэ Юрий Посельскай эҕэрдэлээтилэр, на5араадалары туттардылар.
Ыҥырыылаах ыалдьытынан урукку сылларга нэһилиэк баһылыгынан өрө күүрүүлээхтик үлэлээбит, билигин СӨ Ыччат дьыалатыгар уонна социальнай коммуникацияларыгар миниистирэ Степан Саргыдаев тыл эттэ.
Онлайн биэрии нөҥүө нэһилиэк олохтоохторугар аан бастакыларын, “Силик” иис түмсүү үлэтин, салайааччы СӨ уус-уран оҥоһуктарга норуот маастара, СӨ Дьарыктаах буолуу сулууспатын бочуоттаах үлэһитэ Надежда Ахматова сахалыы кыһыҥҥы соннорун коллекциятын көрдөрдө.
Чурапчы күнүгэр үгэскэ кубулуйбут рекорд олохтонуута буолла. Сомоҕолоһуу ситии салама өрүллэн 89 миэтэрэ 50 сантиметр диэн нэһилиэкпит рекорд кинигэтигэр киирдэ.
Бэлиэ дьаһалы ырыаһыттар Николай Новгородов - Сиэрдээх Сэһэн уонна Александр Винокуров киэргэттилэр.
Быьа эфиры ютуб каналбытыгар көрүөххэ сөп: https://www.youtube.com/watch?v=Fuz160LDj_4
Ыҥырыылаах ыалдьытынан урукку сылларга нэһилиэк баһылыгынан өрө күүрүүлээхтик үлэлээбит, билигин СӨ Ыччат дьыалатыгар уонна социальнай коммуникацияларыгар миниистирэ Степан Саргыдаев тыл эттэ.
Улуус баһылыгын э.т Алексей Ноговицын, улуус дьокутааттарын Сэбиэтин бэрэссэдээтэлэ Афанасий Захаров эҕэрдэ тыл уонна наҕараадалары туттардылар. Уопсай наҕараадаларга Светлана Георгиевна Дьячковская Чурапчы нэһилиэгин Бочуоттаах олохтооҕо буолла. “Баһаарынай дьыалаҕа кылааттарын” иһин наҕараадалары улуус дьаһалтатын ЧС хамыыһыйатын бэрэссэдээтэлин солбуйааччы Алексей Болдовской, улуус бэтэринээринэй отделын сэбиэдиссэйэ Семен Евграфов туттулар. 38 нүөмэрдээх улуус баһыырынай чааһын начаалынньыгын солбуйааччы Степан Билюкин “Баһаарынай харабыл 200 сылынан” үбүлүөйүнэй мэтээлин кэттэ. Улуус дьаһалатын успуорка управлениетын начаалынньыга Иван Оконешников өр сыллаах сыралаах үлэтин уонна успуорка, физическай култуура сайдыытыгар өҥөлөрүн иһин “СӨ норуотун хаһаайыстыбатын үтүөлээх үлэһитэ” бэлиэни тутта. Улуус дьокутаата, урбаанньыт Иннокентий Архиповка “Улуус иннигэр үтүөлэрин иһин” 3-с степеннээх бочуотунай бэлиэни, “Туллукчаан” уһуйаан баспытаатала Анна Коркина “Үтүө суобастаах үлэтин иһин” анал бэлиэнэн наҕараадаланна.
Онлайн биэрии нөҥүө нэһилиэк олохтоохторугар аан бастакыларын, “Силик” иис түмсүү үлэтин, салайааччы СӨ уус-уран оҥоһуктарга норуот маастара, СӨ Дьарыктаах буолуу сулууспатын бочуоттаах үлэһитэ Надежда Ахматова сахалыы кыһыҥҥы соннорун коллекциятын көрдөрдө.
Чурапчы күнүгэр үгэскэ кубулуйбут рекорд олохтонуута буолла. Сомоҕолоһуу ситии салама өрүллэн 89 миэтэрэ 50 сантиметр диэн нэһилиэкпит рекорд кинигэтигэр киирдэ.
Бэлиэ дьаһалы ырыаһыттар Николай Новгородов - Сиэрдээх Сэһэн уонна Александр Винокуров киэргэттилэр.
Быьа эфиры ютуб каналбытыгар көрүөххэ сөп: https://www.youtube.com/watch?v=Fuz160LDj_4
