Мастерская талантов.

Алтынньы 11 күнүгэр Одьулуун нэһилиэгэр Т.Г. Тоскин аатынан "Сайдыс" Норуот айымньытын дьиэтигэр "Мастерская талантов" диэн "Сайдыс" НАДь иһинэн үлэлиир общественнай түмсүүлэри уонна куруһуоктары хаҥатар сыаллаах тэрээһин буолан ааста. Бу тэрээһиҥҥэ И.И.Кандинскай аатынан "Айыллаан" култуура киинин иһинэн үлэлиир "Утум" норуот уус-уран айымньытын дьиэтин куруһуоктара үлэлэрин сырдатан быыстапкаҕа кыттыыны ыллылар уонна билиилэрин үллэһиннилэр. Саха төрүт таҥаһын көрүүгэ бэйэлэрин тикпит таҥастарынан көхтөөхтүк кыттыыны ыллылар. 





Мероприятия

Оһуохайы таһаарааччылар уонна сэҥээрээччилэр бастакы түмсүүлэрэ

Чурапчыга "Арчы" дьиэтигэр Оһуохайы таһаарааччылар уонна сэҥээрээччилэр бастакы түмсүүлэрэ буолан ааста. Тэрээһин үгэс быһыытынан алгыһынан саҕаланна. Оһуохайы  Ил Дархан истипиэндьийэтин хаһаайына Семен Морфунов толордо. Бу түмсүү сүрүн сыалынан: саха төрүт үҥкүүтүн - оһуохайы харыстыырга сөптөөх үлэни тэрийии, киэҥ эйгэҕэ тарҕатыы, оһуохай суолтатын кэлэр кэнчээри ыччакка тиэрдии буолар. Дьон-сэргэ баҕатынан олоҥхону сэҥээрээччилэргэ анаан чэппиэр ахсын күнүс 2 чаастан «Арчы» дьиэтигэр араас хабааннаах, уорэтэр сыаллаах тэрээһиннэр ыытыллыах буоллулар. Онон ким баҕалаах кэлиҥ сылдьыҥ диэн ыҥыраллар. 
Арчы
Мы в соц.сетях