"Аҕа эрэлэ" интерактивнай оонньуу

Бүгүн “Айыллаан” сынньалан киинэ саҥа проегы сүрэхтээтэ. Россияҕа аҕа күнүгэр анаммыт Аан бастакытын ыытыллар “Аҕа эрэлэ” интерактивнай оонньуу үрдүк таһымҥа ааста уонна үгүс киһи кэрэхсибилин ылла. Оонньууга Чурапчы нэһилиэгин 4 оскуолатыттан 4 дьиэ кэргэн кытыннылар. Ол курдук С.А.Новгородов аатынан Чурапчытааҕы орто оскуола аатыттан Прокопьевтар, Евгений Вячеславович  уолунаан Максимныын, И.П.Павлов аатынан Чурапчытааҕы орто оскуолаттан Даниловтар, Дмитрий Михайлович уонна кини уола  Влад, С.К.Макаров аатынан Чурапчытааҕы гимназия аатыттан Петровтар, Кузьма Дмитриевич уолунаан Виктордыын уонна Д.П.Коркин аатынан Чурапчытааҕы Республиканскай спортивнай эрэллэри бэлэмниир оскуола интернат аатыттан Колодезниковтар дьиэ кэргэттэрэ, Семен Михайлович уолунаан Георгийдыын кытыннылар. Оонньуу олус тыҥааһыннаах буолан биэрдэ, бииртэн биир интириэһинэй сорук ооньуу кыттыылаахтарын иннигэр турда. 

Олус эридьиэстээх 6 түһүмэх түмүгэр Колодезниковтар дьиэ кэргэттэрэ Семен Михайлович уонна Георгий кыайыыны ситистилэр. 

“Айыллаан” СК айар бөлөҕө оонньууга кыттыбыт дьиэ кэргэттэргэ улахан махталын тиэрдэр. Бу курдук куруутун быстыспат ситимнээх, бигэ тирэхтээх, иллээх эйэлээх буолун. 

Оонньууну сиһилии биһиги Youtube каналбытыгар көрүөххүтүн сөп.